تاج صعب دا لكن لأنه من مجداوية يبقى لازم أجاوب ...
*** هل توقعت ثورة 25 يناير؟
توقعت حدوث ثورة و لكننى توقعتها بشكل مختلف ، توقعت أن تكون مرتبطة أكثر بالطبقات الشعبية ( لن أقول ثورة جياع ) أو تكون عن طريق انقلاب عسكرى
و لكننى لم أكن متفائلة فى حالة حدوث ثورة ،
السيناريو اللى حصل طبعا أحسن و اكثر ما حما مصر فيه من الانزلاق الى سيناريو فوضوى او
حرب أهليه هوثلاثة أشياء :
1 - ولو ان الناس مش هتنبسط بس مبارك فعلا لو كان هرب زى زين العابدين ، أو أمر الحرس الجمهورى باطلاق النيران على المتظاهرين كانت الدنيا هتبقى أسوأ بكتيييير ..
2- فكرة ميدان التحرير هى فكرة عبقرية ، لأن الاعداد الكبيرة دى لو كانت انطلقت فى الشوارع مع وجود البلطجية و التحريض غير الطبيعى ضد رجال الشرطة كانت هتتسبب فى زيادة عدد الضحايا أكثر مما حدث .
3 - فعلا اتضح ان الشعب المصرى مسالم بطبعه و ان عنده جين حضارى مدفون يظهر فى الشدائد و ربنا يستر و الجين ده يبدأ يشتغل خارج ميدان التحرير .
و كنت أأمل بوجود طريق أفضل لتغيير البلد
أؤمن كثيرا بالمقولتين "لا يغير الله ما بقوم حتى يغيروا ما بانفسهم "
و" كيفما تكونو نولى عليكم "
و أرى ان الناس اذا تغيروا حقا و اصبحوا أفضل سيصبح من يحكمونهم أفضل
*** وهل كنت من ثوار ميدان ( التحرير _ الكنبة _ الكمبيوتر _ حدد الميدان الآخر الخاص بك )
، بين الكنبة و الكمبيوتر و العمل
فى الأول بسبب عدم موافقة زوجى
و بعد يوم 28 و حريق اقسام الشرطة لعدم موافقتى أنا على الاستمرار
فى التظاهر بعد ما حسيت ان فيه علامات استفهام كتيرة
*** مالم تنجح الثورة في تحقيقه هو ....................( اختار شيئا واحدا)
القضاء على نفاق و عدم عدالة وسائل الاعلام المختلفة
انتقلوا بمنتهى السلاسة من نفاق مبارك الى نفاق الثوار
*** أكثر شىء فرحك في هذه الثورة هو .........................( اختار شيئا واحدا )
عودة الأمل و الحلم
*** الشخصية التي أعجبتك خلال الثورة .......................
د. سليم العوا
*** الشخصية التي احتقرتها بسبب الثورة ....................
ربنا حليم ستار ، بس ناس كتير
*** أطرف ما سمعته خلال الثورة ؟( تعليق _ نكتة _ حدث _ أخرى )
واحد راح يشتكى لمبارك قاله انا بعت اللى ورايا و اللى قدامى علشان أعلم ابنى و بعدين ما عرفتش أعينه ،
قاله أنا مصيبتى فى ابنى اكبر أنا بعت البلد كلها و برضه ما عرفتش أعينه
*** القناة التي تابعت من خلالها أحداث الثورة هي ...........................
فى البداية قناة الجزيرة حتى اقتنعت انها قناة مغرضة و انتقلت الى قناة العربية و معظم القنوات الخاصة المصرية دريم و المحور و
( OTV )
و طبعا المصرية و الأولى و الثانية و الحرة و
CNN ,BBC
، تقريبا أنا كنت باروح الشغل و أرجع امسك الريموت مع فترات متقطعة لعمل ما يتسنى عمله فى البيت حتى يغمى على أمام التليفزيون
*** الجريدة التي كنت تقرأها لتتابع الثورة هي ...........................
المصري اليوم و اليوم السابع و موقع مصراوي
*** الكاتب المفضل خلال الثورة هو ...........................
فهمي هويدي أولا
بلال فضل و نوارة نجم
و خالد صلاح - اليوم السابع - أحيانا
*** المذيع (المذيعة) المفضل خلال الثورة هو .......................
مذيعين قناة العربية و على رأسهم حافظ الميرازى
*** كلمة تقولها لشهداء وجرحى 25 يناير ....................
يا رب دمكم ما يروحش هدر و البلد تبقى أحسن فى النهاية
*** متقولش إيه إدتنا مصر وقول حندي إيه لمصر
عندك حاجة تديها لمصر ؟
ما فيش فعلا غير ان الواحد يقوم بعمله باخلاص و اتقان
و يخاف ربنا و يربى أولاده
على قد ما يقدر تربية كويسة
و يحاول يكون انسان ايجابي عموما
*** من سترشح لرئاسة الجمهورية ؟ ولماذا ؟
بالترتيب
11 - د .عبد المنعم أبو الفتوح
2- المستشار هشام بسطويسى
طبعا المرجعية الدينية مهمة و بترجح كفة د.عبدالمنعم ، لكن أنا شايفة الشخصية و مجمل الآراء و التاريخ الشخصى كلها عوامل داخلة فى الاختيار
3 - يمكن .. لسه مش مستقرة ... حمدين الصباحى
*** لو أصبحت رئيسا لمصر ما هي أول ثلاث قرارات لك ؟
1- الاهتمام بالتعليم و توحيد نظم التعليم المختلفة
علشان يبقى فيه فى مصر شعب واحد
و التعليم الجامعى يبقى محترم و يبقى بمصاريف علشان الجامعات تكون مستقلة و تقدر تصرف على البحث العلمى و تدخل فى مشاريع مع المصانع و الشركات و تكون فيه منح للمتفوقين وتكون فيه طرق لاعطاء قروض علشان ما أبقاش ضد منح الجميع فرصة للتعليم
و نهتم بالتعليم الفنى أكثر لانه ركيزة أساسية من ركائز التصنيع فى كل دول العالم و تكون فيه زى اليابان مناهج هدفها اكتشاف نقاط القوة فى شخصية كل طفل و توجيهه للمجال اللى هيقدر يبدع فيه ، كمان لازم تكون فيه ميزانية محترمة للبحث العلمى و لكليات الهندسة و العلوم
2- و ضع خطة لتنمية و تعمير و تسكين الناس فى سيناء و تغيير السياسات
اللى كانت بتستخدم فى التعامل مع بدو سيناء و تفعيل مشروع ترعة السلام و متهيألى ده اللى مفروض يكون ممر التنمية .
3 - نظام تأمين صحى محترم لجميع افراد الشعب.
عموما ثلاثة قرارات قليل جدا انا عندى قرارت تانى كتير ...
*** لو أعطوك نصيبك من المليارات المسروقة , ما توقعك أن يكون نصيبك منها وماذا ستفعل بهذا المال ؟
مع انى مش متوقعة ان أى حاجة ترجع ..
بس يمكن ابنى لى فيللا ظريفة و جنينة فى مكان بعيد عن القاهرة و استقيل
واقعد ازرع الأرض اللى حواليها ، و يمكن لو كانوا مليارات كتير احاول اشارك فى مصنع
أو مدرسة علشان اشوف ممكن احقق احلامى و لا لأ
بس ...
المفروض طبعا ابعث البوست لخمس مدونين آخرين
و طبعا انا مع الأسف ما أعرفش ناس كتير
المفروض طبعا ابعث البوست لخمس مدونين آخرين
و طبعا انا مع الأسف ما أعرفش ناس كتير
و يمكن اللى عايزة فعلا ابعت لها البوست ده
و اعرف رأيها خاصة بعد جمعة التطهير
هى بنت خيخة و أى كلام
و خصوصا انها مش من حزب الكنبة اللى زى حالاتى
و أتمنى انها ترد ...
هناك تعليق واحد:
السلام عليكم
أولا أنا بأشكرك جدا على سرعة استجابتك للتاج ومش عارفة ليه أنا دايما بأحط نفسي في مواقف بايخاااااااا :) لكن عادتي ولا حاشتريها , المدونين بيكرهوا التاجات هذا من الواضح الجلي ومن يفعله يفعله مجاملة عشان مزعلش , حاسة إني دبستكم في التاج ده بس والله كانت نيتي سليمة كنت عايزانا نخرج من جو الترقب وكمان فيه ناس اختفت من التدوين قلت يمكن ترجع لو لقت تاج يشجعها تكتب ,
اجاباتك مثلك مميزة جدا وصادقة جدا, جعلتي احساسي بالذنب والإحراج يخف إلى حد كبير
النكتة كمان جميلة :)
والله التاج حلو بس بخته مايل
:)
مفيش غير خمسة ستة بس اللي جاوبوا عليه
ياللا حصل خير تاج يفوت ولا حد يموت
إرسال تعليق