زهقت من قولة
دي بنت بألف راجل
أنا عايزة أحس
انى معاك مخلوق ضعيف
و انى فعلا بنتمى لجنس لطيف
احمينى من حزنى
و من احساس مخيف
طول النهار مكشرة
وواخداها جد
و لمة شعرى على ورا
و مش شايفة حد
و الدنيا حر موت و أنا
مليانة برد
و كل ده عشان يا دوب
أعدى الرصيف
ما عدش فى الشارع شجر
بيرمى ضل
و كل يوم حاجات تضيع
و حاجات تقل
و أنا خلاص
ما عرفش ليه بقيت أمل
و اعذرنى لو كان الكلام
مر و سخيف
......................................... على سلامة ........من جريدة المصري اليوم .....
هناك 4 تعليقات:
اختيارك موفق
مع التحية
رضوان
السلام عليكم
آآآآآآآآه
طيب معلش حقك عليا حزيد عليكى الحزن حزن
أقولك اتنشرفى المصرى اليوم (اليوم ) ان نهى رشدى من عرب اسرائيل وانها اتهمت قبل كده سائح فرنسى بالتحرش بيها وأخذت تعويض وانها شكرت فى اسرائيل وقالت انها دولة محترمة ومبيحصلش فيها تحرش وعشان كده محاميتها تركت القضية وانضمت للدفاع عن المتهم !!!!!
الله أعلم بصحة المعلومات لكن دى جريدة بيؤخذ منها الأخبار الصحيحة !!!!
متزعليش من نفسك لأنك معرفتيش تتصرفى لأن ما تعرضتى له غير متوقع بالمرة وأى واحدة مكانك كانت حترتبك ومتعرفش تتصرف لكن اعادة السناريو وعمل شكل معين للمفروض كان يتعمل بيكون دورة تدريبية مجانية لك لو لا قدر الله اتعرضتى لشى تانى أكيد حتعرفى تتصرفى
وربنا ما يعرضك ولا ابتك أبدا لأى شىء وحش ويحفظكم ويحميكم من كل شياطين الانس قبل الجن
شرفتينى بزيارتك وأسعدنى التعرف على مدونتك
ملحوظة : يا ريت تشيلى تأكيد الكلمة أسفل مستطيل التعليقات للتيسير وده بيتشال من الاعدادات الخاصة بالتعليقات من الصفحة الرئيسية على الشمال
بصراحة أنا فعلا كنت معجبة بنهى رشدى جدا ، و أتمنى من قلبى ان الكلام ده يكون مش صحيح ، لأنك بعد ما قلتيلى الكلام ده أنا فعلا لقيته مكتوب على النت ، بس لقيت نهى فعلا منزلة تكذيب ،و لو انى استغربت انها بتقول انها خريجة جامعة القاهرة ، مع انى كنت قريت قبل كده انها جامعة أمريكية ،
شكرا على كلامك ،و لو ان فى مواقف صعب جدا الواحد يشيلها من دماغه ، و أنا شيلت تأكيد الكلمة خلاص .
شكرا خالص على الزيارة
وكويس ان القصيدة عجبتك يا رضوان
الكلام رائع
ومعبر وبسيط
شاكره لك النقل الممتع
دمتي بخير :)
إرسال تعليق